Hazırlayan: Gabriel Ziya Hacıoğlu
X R İ S T İ A N L I Q
D U A
Göylərdə Olan Atamız
Ey Göylərdəki Atamız, Adın müqəddəs tutulsun.
Sənin Səltənətin gəlsin. Göydə olduğu kimi,
Yerdə də Sənin iradən olsun.
Gündəlik çörəyimizi bizə bu gün də ver.
Bizə borcu olanları bağışladığımız kimi,
Sən də bizim borclarımızı, günahlarımızı bağışla.
Sınağa çəkilməyimizə icazə vermə,
Lakin bizi şər olandan xilas et.
Çünki qüdrət, izzət və Səltənət əbədiyyən Sənindir. Amin.
Müqəddəs ÜçlüBirlik Duası
Ey Müqəddəs Allahım, tapındığım Rəbbim, ÜçlüBirlik!
Mən, Sənə - Ata, Oğul və Müqəddəs Ruh Olan Rəbbimə iman edirəm.
Mənə, Səni sevməyi, Sənə itaət və etibar etməyi öyrət.
Sənə xidmət etmək, Məbədində Sənə səcdə qılmaq və Əbədi Həyatda Səninlə birgə yaşamaq istəyirəm.
Rəbbim, acları doydur, xəstələrə şəfa ver, məhbusları azad et, çılpaqları geyindir, evsizlərə ev ver, ölümü yox et, müharibələri durdur. Çünki Sən bütün yaratdıqlarının qayğısına qalan Allahsan.
Sənə əbədi olaraq izzət olsun. Amin
İSA MƏSİHƏ DUA
Ya Rəbb İsa, Allahın Oğlu, mən günahkara mərhəmət et!
Xilaskarım, günahlarımızı bağışla, bizi cəhənnəm əzabından qoru, hər birimizin ruhunu Cənnətə qəbul et. Xüsusən də Sənin mərhəmətinə daha çox ehtiyacı olanları. Amin
MÜQƏDDƏS RUHA DUA
Ey Müqəddəs Ruh, ey Həqiqət Ruhu, Allahımız, gəl və daxilimizdə yaşa. Bizi kirliliklərdən arıt, pisliklərdən qoru. Qəlbimizi Məsih İsanın taxtına çevir, Atamızın sevgisiylə doldur. Daima bizimlə birlikdə ol. Bizə öyrət və yol göstər. Amin
Dua xristian həyatının əsasını təşkil edir. Çünki dua Yaradanla insanın arasındakı məhəbbət ünsiyyətidir.
İsa Məsih ardıcıllarına duanın önəmi və duada imanın önəmi haqqında danışmış, onlara mükəmməl dua nümunəsi vermişdir ki, bu dua "Göylərdəki Atamız" və ya "Rəbbin Duası" adlanır.
Dua edən insanın duasını hər zaman eşidən Allahımız, insana bu haqda güvən verir: "Harada iki və ya üç nəfər Mənim adımla bir yerə toplaşarsa, Mən də orada, onların arasındayam".